එමෙන්ම මේ කන්නයේ සිට පිටරටින් මෙරටට බඩඉරිඟු ආනයනය කිරීම ද සම්පූර්ණයෙන් ම නැවැත්වීමට රජය තීරණය කර තිබේ. ජනාධිපති මහින්ද රාජපක්‍ෂ මැතිතුමා විසින් පසුගියදා සිට මේ තීරණයට එළඹී බව ද ඉදිරි දිනවලදී අදාළ සහතික මිල නියම කිරීමට නියමිත බව ද අමාත්‍යවරයා සඳහන් කළේය.
උතුරු මැද පළාත් සභාව සහ විශේෂ ව්‍යාපෘති අමාත්‍යාංශය එක්ව අනුරාධපුර දිස්ත‍්‍රික්කයේ අක්කර ලක්‍ෂයක බඩඉරිඟු වගා කිරීමේ ව්‍යාපෘතියට සමගාමීව අනුරාධපුර, කුරුන්දන්කුලමේදී තවත් ගොවීන් 2,000ක් සඳහා බඩඉරිඟු බීජ ලබාදීමේ අවස්ථාවට පසුගිය බදාදා එක්වෙමින් අමාත්‍යවරයා මේ කරුණු අනාවරණය කළේය.
මේ යටතේ ගොවියෙකුට රුපියල් 5,400ක වටිනාකමකින් යුත්ත බඩඉරිඟු බීජ පැකැට්ටුවක් ලබා දෙන අතර මෙයින් රුපියල් 1,800ක මුදලක් ගෙවා ගොවීන්ට සහනදායි ලෙස බඩඉරිඟු වගාව තවදුරටත් වැඩිකිරීම සඳහා මේ වැඩපිළිවෙළ ක‍්‍රියාත්මක කරනු ඇත.
මෙහිදී අදහස් දැක්වූ උතුරු මැද පළාත් ප‍්‍රධාන අමාත්‍ය එස්.එම්. රංජිත් සමරකෝන් මහතා, බඩඉරිඟු වගා කිරීම සඳහා අපගේ මැදිහත්වීම අඛණ්ඩව සිදු කරනවා. මේ වතාවේ ඵලය මිලදී ගැනීම සඳහා ද ගොවියාට අවශ්‍ය සහන සලසනවා. මේ තාක් ගොවියාට මේ තරම් සහනාධාර දුන් රජයක් මහින්ද රාජපක්‍ෂ ආණ්ඩුව තරම් බිහි වී නැතැයි ද බිහිවන්නේ නැතැයි ද ප‍්‍රධාන අමාත්‍යවරයා පැවසීය.
NDH
