යූරියා මෙට්රික් ටොන් 2053.47ක් ටී.එස්.පී. මෙට්රික් ටොන් 667.77ක් සහ එම්.ඕ.පී. මෙට්රික් ටොන් 1253.75ක් වශයෙන් මෙට්රික් ටොන් 3974.99ක පොහොර ඒ අතර වේ.
මෙවර මහ කන්නය සඳහා වගා කිරීමට අපේක්ෂිත මහා වාරිමාර්ග කුඹුරු හෙක්ටයාර 3436ක්, සුළු වාරිමාර්ග කුඹුරු හෙක්ටයාර 3614ක් සහ වර්ෂා පෝෂිත කුඹුරු හෙක්ටයාර 7880ක් වශයෙන් කුඹුරු හෙක්ටයාර 14930ක් වෙනුවෙන් මෙම පොහොර ප‍්‍රමාණය අනුමත කර තිබේ.
රුපියල් මිලියන 219.5 වෙළෙඳපොළට වටිනාකමක් සහිත මහ කන්නයේ පොහොර සඳහා රජය රුපියල් මිලියන 191.7ක මුදලක් වැය කරන අතර ගොවි ජනතාවගෙන් රුපියල් මිලියන 27.8ක මුදලක් අය කිරීමට නියමිත ය.
මේ දිනවල මාතර දිස්ත‍්‍රික්කයට ලැබෙන වර්ෂාපතනය අනුව ඉදිරි කන්නය සඳහා අපේක්ෂිත මෙම ඉලක්කය සපුරාගත හැකි වෙතැයි බලාපොරොත්තු වන ජාතික පොහොර ලේකම් කාර්යාලයේ මාතර දිස්ත‍්‍රික් කාර්යාලය සඳහන් කරයි.
DB
