1984 වසරේ දී නෙස්ලේ ලංකා සමාගම සිය නිෂ්පාදන කටයුතු මෙරටේ ආරම්භ කර ඇත. දෛනිකව දේශීය කිරි ගොවීන් 18,000ක ප‍්‍රමාණයකින් කිරි ලීටර් ලක්‍ෂ 2ක් පමණ එකරැස් කරන නෙස්ලේ සමාගම ඒ වෙනුවෙන් වාර්ෂිකව කිරි ගොවීන් සඳහා ගෙවනු ලබන මුදල රුපියල් බිලියන 3.5කට අධිකය.
දැනට අප රටේ පුද්ගලික අංශයේ සමාගම් අතුරින් වැඩි ම කිරි ප‍්‍රමාණයක් එකතු කරනු ලබන්නේ නෙස්ලේ සමාගම විසිනි. උතුරු පළාතේ ඇතුළු ව කිරි එකතු කිරීමේ මධ්‍යස්ථාන 1,200ක් සහ කිරි ශීතකිරීමේ මධ්‍යස්ථාන 106ක ප‍්‍රමාණයක් නෙස්ලේ සමාගම සතුව ඇත.
මෙම අවස්ථාවට අමාත්‍ය ඩග්ලස් දේවානන්දා, නෙස්ලේ සමාගමේ කළමනාකාර අධ්‍යක්‍ෂ ගනේෂන් අම්පලවාන, නෙස්ලේ සමාගමේ උප සභාපති බන්දුල එගොඩගේ ඇතුලු විශාල පිරිසක් එක්ව සිටියහ.
DB
