යෝජිත විද්‍යාගාරය මඟින් කුඩා වතු හිමි ප‍්‍රජාව, මහා පරිමාණ රබර් නිපැයුම් නිෂ්පාදකයන්, රබර් ආශ‍්‍රිත වෙළෙඳ සමාගම්, විශ්වවිද්‍යාල සිසුන් හා විද්වතුන් ඇතුළු රබර් ක්ෂේත‍්‍රයේ සියලු ම පාර්ශ්වකරුවන් සඳහා පහසුකම් සපයාදීමට අපේක්ෂා කෙරේ.
රබර් කර්මාන්තයේ පර්යේෂණ හා සංවර්ධන අංශවල ඉල්ලුම සැපිරීම සඳහා 1909 වසරේ දී පිහිටුවන ලද රබර් පර්යේෂණ ආයතනය ලොව ඒ වර්ගයේ පළමු ආයතනය වේ. එ මඟින් ලෝක රබර් කර්මාන්තයේ දියුණුවට සිදු වූ වටිනා දායකත්වය ලොව පුරා පිළිගැනීමට ලක් ව ඇත.
ආයතනයේ ශක්‍යතා වැඩිදියුණු කරමින් අදාළ කටයුතු ඉදිරියට කරගෙන යෑම සඳහා වැවිලි කර්මාන්ත අමාත්‍ය මහින්ද සමරසිංහ මහතා විසින් ඉදිරිපත් කරන ලද එම යෝජනාවට අමාත්‍ය මණ්ඩල අනුමැතිය ලැබී ඇත.
NDH
