එම නිසා නොඑන ආණ්ඩුවක් දෙස බලාගෙන සිටීමෙන් කිසි ප්‍රතිඵලයක් නැති බවත් කවුරු දෑත් අල්ලා ගත්ත ද එම නොඑන ආණ්ඩුව නොඑන බව විපක්ෂ නායකතුමා හැරෙන්නට අනෙක් සියලු දෙනා දන්නා බවත් අමාත්‍යවරයා මෙහිදී වැඩිදුරටත් පැවසීය.

අමාත්‍යවරයා මේ අදහස් පළ කළේ කොළඹ 10, පංචිකාවත්ත, සූරිය මල් පුර මහල් නිවාස සංකීර්ණය ජනතා අයිතියට පත්කිරීමේ අවස්ථාවට ප්‍රධාන ආරාධිතයා වශයෙන් සහභාගි වෙමිනි. මෙම උත්සවය පෙරේදා (26) එම නිවාස සංකීර්ණයේදී පැවැත්විණි.

“මහින්ද චින්තන ඉදිරි දැක්ම” යටතේ විමල් වීරවංශ අමාත්‍යවරයාගේ උපදෙස් පරිදි ක්‍රියාත්මක ජන සෙවණ “නගමු පුරවර” මහල් නිවාස  ප්‍රතිසංස්කරණය කිරීමේ ජාතික වැඩසටහන යටතේ මෙම මහල් නිවාස සංකීර්ණයේ ප්‍රතිසංස්කරණ කටයුතු ජාතික නිවාස සංවර්ධන අධිකාරියේ පූර්ණ අධීක්ෂණය යටතේ ශ්‍රී ලංකා රාජ්‍ය ඉංජිනේරු සංස්ථාව සිදුකර තිබේ.

1979 වර්ෂයේදී ආරම්භ කර ඇති සූරිය මල් පුර මහල්  නිවාස ව්‍යාපෘතිය ගොඩනැගිලි 3කින් සහ නිවාස 68කින් සමන්විත වේ. මෙහි ප්‍රතිසංස්කරණ කටයුතු සඳහා රුපියල් ලක්ෂ 85ක පමණ මුදලක් වැය වී ඇත.

සියලු ගොඩනැගිලිවල වහල අලුත්වැඩියා කිරීම, අබලන් වූ වඩිම්බු ලෑලි වැහිපීලි, දිය බස්නා නළ පිළිසකර කිරීම, සියලු ගොඩනැගිලිවල පිටත බිත්ති හා තරප්පු පේළි වර්ණාලේප කිරීම, මළ නාළිකා පද්ධති, මනු වලවල් ප්‍රතිසංස්කරණය කිරීම හා අපජලය බැස යන කුඩා මනු වලවල් ප්‍රතිසංස්කරණය කිරීම,  නිසි පරිදි කැළිකසල බැහැර කිරීමේ  ක්‍රියාමාර්ග සැකසීම ඇතුළු ප්‍රතිසංස්කරණ කටයුතු රැසක් මෙම නිවාස සංකීර්ණයේ සිදුකර තිබේ.