කොත්මලේ, මොරපේ ඓතිහාසික ශී‍්‍ර කතරගම දේවාලයේ වාර්ෂික ඇසළ පෙරහර මෙම මස (24) වන දින සිට ලබන ඔක්තෝබර් 09 වැනි දින දක්වා වීථි සංචාරය කෙරෙන බව කොත්මලේ මොරපේ ඓතිහාසික ශී‍්‍ර කතරගම දේවාලයේ බස්නායක නිලමේ තැන්පත් එස්.කේ.එස්.බී. රත්නායක මහතා පවසයි.
මේ මස 24 වන බදාදා දින රාතී‍්‍ර 7.00ට යෙදෙන සුභ මොහොතින් නැගෙනහිර දිශාව බලා ඇතුල් පෙරහර වීථී සංචාරය කිරීමෙන් පෙරහර ආරම්භ කෙරෙන අතර, ඇතුල් පෙරහර මේ මස 28 වන දින දක්වා දිනපතා වීථී සංචාරය කෙරේ.
මේ මස 29 වන දින සිට ඔක්තෝබර් මස 03 වන දින දක්වා කුඹල් පෙරහර වීථි සංචාරය කෙරේ.
රන්දෝලි පෙරහර ඔක්තෝබර් මස 04 වන දින වීථි සංචාරය ආරම්භ කෙරෙන අතර, අවසන් මහා රන්දෝලි පෙරහැර ඔක්තෝබර් මස 08 වන දින වීථි සංචාරය කෙරේ.
ගිනි පෑගීමේ උත්සවය, දිය කැපීමේ පෙරහර හා දහවල් පෙරහර ඔක්තෝබර් මස 09 වන දින සිදුකෙරේ.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
