අද පෙරවරු 11.00ට වැලිමඩ මහා විද්‍යාලය, පෙරවරු 11.45ට මුරුතලාව මුස්ලිම් මහා විද්‍යාලය, පස්වරු 12.45ට කැප්පෙටිපොළ මහා විද්‍යාලය, පස්වරු 2.00ට ඌව පරණගම විද්‍යාලය, පස්වරු 2.30ට අලගොල්ල දෙමළ මහා විද්‍යාලය, පස්වරු 3.30ට අඹගස්දූව ජනාධිපති මහා විද්‍යාලය හා බොරලන්ද ධර්මපාල විද්‍යාලයේ ඉදිකරන ලද මහින්දෝදය තාක්ෂණ විද්‍යාගාර ජනාධිපති මහින්ද රාජපක්ෂ මැතිතුමාගේ ප්‍රධානත්වයෙන් සිසු අයිතියට පත් කෙරේ.
මෙම එක් මහින්දෝදය තාක්ෂණික විද්‍යාගාරයක පරිගණක 40කින් සමන්විත පරිගණකාගාරයක්, පරිගණක 20කින් සමන්විත භාෂාගාරයක්, දුරස්ථ අධ්‍යාපනය සඳහා නැණස ඒකකයක්, ගණිතාගාරයක්, විද්‍යාගාරයක් යන අංගයන්ගෙන් සමන්විතය.
අධ්‍යාපන අමාත්‍ය බන්දුල ගුණවර්ධන මහතා සමඟ මැති ඇමතිවරුන් ද නිලධාරීහු ද මේ අවස්ථාවට සහභාගි වනු ඇත.
NDH
