කෑගල්ල දිස්ත්‍රික්කයේ අරණායක, මාවනැල්ල, රඹුක්කන, කෑගල්ල, ගලිගමුව, දැදිගම, රුවන්වැල්ල, යටියන්තොට හා දැරණියගල යන සියලු මැතිවරණ කොට්ඨාසවල මහජන ආධාර ලබන පුද්ගලයකුට රුපියල් 20000ක ආධාර මුදලක් ද, සමෘද්ධිලාභී පුද්ගලයකුට රුපියල් 10000 බැගින් ද ආපසු අය කර ගන්නා නොගන්නා එදින බෙදා දුන් චෙක් පත් සංඛ්‍යාවේ වටිනාකම රුපියල් ලක්ෂ 70කි.
මෙම චෙක්පත් ප්‍රදානය පසුගිය සිකුරාදා කෑගල්ල මොලමුරේ මාවතේ ප්‍රධාන අමාත්‍ය උප කාර්යාලයේ දී සිදු වූ අතර මහ ඇමති මහීපාල හේරත් මහතාගේ ජන්ම දිනය ද එදිනට යෙදී තිබිණි.
එම අවස්ථාව සමරනු වස් සමාජ සත්කාරක සේවා රැසක් ද සංවිධානය කර තිබූ අතර කෑගල්ල දිස්ත්‍රික්කයේ අඩු ආදායම්ලාභී පවුල්වල දෘෂ්‍යාබාධිත පුද්ගලයන් 800කට ඇස් කණ්ණාඩි බෙදා දීම ද මහ ඇමතිවරයා අතින් සිදු විය. එම කණ්ණාඩි තොගයේ වටිනාකම රුපියල් ලක්ෂ 28කි. මීට අමතරව අඩු ආදායම්ලාභි පවුල්වල පාසැල් සිසුන් 75දෙනෙකුට ශිෂ්‍යත්ව පිරිනැමීම ද මෙම සමාජ සකත්කාරක සේවා අතර විය.
මෙම අවස්ථාවට කෑගල්ල දිස්ත්‍රික් පාර්ලිමේන්තු මන්ත්‍රී කනක හේරත් මහතා ඇතුළු ආරාධිතයෝ රැසක් සහභාගී වූහ.
DB
