මේ සඳහා ඉදිරිපත් කර ඇති ආණමඩුව ඒකාබද්ධ ජල සම්පාදන ව්‍යාපෘති යෝජනාව මඟින් පුත්තලම දිස්ත්‍රික්කයේ 81,700 දෙනෙකුට අවශ්‍ය පානීය ජලය සපයා ගත හැකිවේ. 

මෙම ව්‍යාපෘතිය යටතේ දිනකට ඝන මීටර 12,500ක ධාරිතාවකින් යුත් පිවිසුම් මඟක් ඉඟිනිමිටිය ජලාශයේ ඉදිකිරීම, අප ජලය පිරිසිදු කිරීම ද ඇතුළත්ව නවීන අංගසම්පූර්ණ ජල පවිත්‍රාගාරයක් ඉදිකිරීම, කිලෝ මීටර් 62ක් දිගැති ජල සම්ප්‍රේෂණ ප්‍රධාන නළ ඇති කිරීම සිදු කරනු ඇන. ඝන මීටර් 1500, ඝන මීටර් 1000, ඝන මීටර් 300 (දෙකක්) ධාරිතාවලින් යුත් ජල කුළුණු ඉදිකිරීමත් කිලෝ මීටර් 328ක් දිගට ජලය බෙදා හැරීමේ ක්‍රමවේදයක් සැකසීමටත් නියමිතය.

 
මේ වෙනුවෙන් ජල සම්පාදන හා ජලාපවහන අමාත්‍ය දිනේෂ් ගුණවර්ධන මහතා, කැබිනට් මණ්ඩලය වෙත ඉදිරිපත් කරන ලද ආණමඩුව ඒකාබද්ධ ජල සම්පාදන ව්‍යාපෘතිය සඳහා අනුමැතිය ලැබී ඇත.

NDH