නාගරික සංවර්ධන අධිකාරියෙහි මූල්‍ය ප්‍රතිපාදන මඟින් නවීකරණය කරන ලද මෙම වෙළෙඳ මධ්‍යස්ථානය කඩ කාමර 83කින් සමන්විත වන අතර බැංකු හා ආපනශාලා ඇතුළු නවීන පහසුකම් රැසකින් මෙන් ම රථගාල් පහසුකම්වලින් ද සමන්විත වේ. මැණික් හා ස්වර්ණාභරණ මිල දී ගැනීමට පැමිණෙන පාරිභෝගික ජනතාවට එහි ප්‍රමිතිය හා අවශ්‍ය උපදෙස් ලබාගැනීම සඳහා ජාතික මැණික් හා ස්වර්ණාභරණ අධිකාරියේ මධ්‍යස්ථානයක් ද මෙහි ස්ථාපනය කෙරේ.
මහල් 05කින් සමන්විත මෙම ගොඩනැගිල්ල පළමු අදියර යටතේ පළමු හා දෙවන මහල් මැණික් හා ස්වර්ණාභරණ වෙළෙඳ මධ්‍යස්ථානය ලෙස නවීකරණය කරන ලද අතර මෙහි ප්‍රතිසංස්කරණ හා නවීකරණ කටයුතු නාගරික සංවර්ධන අධිකාරියේ සැලසුම් හා ගෘහ නිර්මාණ ශ්‍රී ලංකා යුද හමුදාවේ වෘත්තීය දායකත්වයෙන් සිදු කර තිබේ.
DB
