ඇපකරුවන් නැති, වයස් සිමාවක් නැති, බැඳුම්කර නැති, අමතර ලියකියවිලි නැති දිවි නැගුම ප්‍රතිලාභීන්ට (සමෘද්ධිලාභීන්) පමණක් සීමා වූ සහන අරුණ ණය වැඩපිළිවෙළ යටතේ දිවි නැගුම ප්‍රතිලාභියෙකුට රුපියල් 5000ත් 50,000ත් අතර ණය මුදලක් ලබාගත හැකිය.
ණය ආපසු ගෙවීමට වසරක බදු විරාම කාලයක් ලැබෙන අතර අදාළ ණය වාරික 24ක් තුළ ගෙවා නිම කළ හැකිය.
දිවිනැගුම ප්‍රතිලාභීන් (සමෘද්ධිලාභීන්) 15ක් සමාරම්භක අවස්ථාවේදීම ණය ලබාගත් අතර ස්වයං රැකියා, ජීවනෝපා මාර්ග සංවර්ධනය මෙන් ම පාරිභෝගික අවශ්‍යතා සඳහා ද ණය බරින් මිදීම සඳහා ද මෙම ණය මුදල් ලබාගත හැකිය.
මෙහිදී මහ ඇමති මහීපාල හේරත් මහතා සඳහන් කළේ රඹුක්කන දිවි නැගුම බැංකුවේ මේ වන විට සමෘද්ධිලාභීන් හෙවත් දිවි නැගුම ප්‍රතිලාභීන් විසින් තැන්පත් කරනු ලැබූ මුදල රුපියල් තිස්එක් කෝටිය ඉක්මවා ඇති බවය.
DB
