මෙම වැඩසටහන ත්‍රිකුණාමල ප්‍රාදේශීය ලේකම් කාර්යාලය විසින් සංවිධානය කරනු ලැබ තිබිණි. ත්‍රිකුණාමල ප්‍රාදේශීය ලේකම් එස්. ජලදීපන් මහත්මියගේ ප්‍රධානත්වයෙන් මෙය සිදු කෙරිණ.
මෙහි සමාරම්භක මොහොතට ත්‍රිකුණාමල දිස්ත්‍රික් ලේකම් මේජර් ජෙනරල් ටී.ටී.ආර්.ඩී. සිල්වා මහතා ප්‍රධාන ආරාධිතයා ලෙස සහභාගී විය. මෙම අවස්ථාවට ත්‍රිකුණාමල ප්‍රාදේශීය ලේකම් කාර්යාල නිලධාරීහු ද සහභාගී වූහ.
මෙම වැඩසටහනෙන් එකතු කරගන්නා ලේ ත්‍රිකුණාමල ජාතික රෝහලේ ලේ බැංකුව වෙත යවා ඇත.
ජාතිභේද නොසලකා සිංහල, දෙමළ, මුස්ලිම් ජනතාව මෙම වැඩසටහනට සහභාගී වී ලේ දන් දීම සමාජ සංහිඳියාව පෙන්වීම සඳහා කදිම නිදසුනක් විය.
ත්‍රිකුණාමල ප්‍රාදේශීය ලේකම් කාර්යාලය විසින් නොකඩවා සංවිධානය කරනු ලබන සමාජ සුභසාධන වැඩසටහන් අතුරෙන් මෙම ලේ දන් දීමේ වැඩසටහනට ප්‍රමුඛතාවක් හිමි වී තිබුණේ ජීවිතයක් බේරා ගැනීම සඳහා ලේ දන්දීම උතුම් ක්‍රියාවක් වන බැවිණි.
SDF
