මනා ප්‍රමිතියකින් යුක්තව ආයතනය පවත්වාගෙන යමින් යහපත් මහජන සේවාවක් සැපයීම වෙනුවෙන් මෙම තත්ත්ව සහතිකය පිරිනමා ඇති අතර, මීට පෙර අවස්ථා තුනකදී මහනුවර දිස්ත්‍රික් ලේකම් කාර්යාලය මෙම සහතිකයෙන් පිදුම් ලබා තිබේ. ඒ අනුව මහනුවර දිස්ත්‍රික් ලේකම් කාර්යාලය 2009 වසරේ සිට අඛණ්ඩව අයි.එස්.ඕ. 9001 - 2008 සහතිකය හිමි කර ගැනීමට සමත්ව තිබේ.
මෙම සහතිකය ප්‍රදානය කිරීමේදී මහනුවර දිස්ත්‍රික් ලේකම් කාර්යාලයේ ස්ථාපිත කොට ඇති මහනුවර දිසාපතිවරයාගේ ඍජු අධීක්ෂණයට ලක් වන රජයේ විවිධ අමාත්‍යංශ සහ දෙපාර්තමේන්තු විස්සකට අධික සංඛ්‍යාවක් නිරීක්ෂණය කොට තිබේ.
NDH/TA-dmu kandy
