ඒ අනුව ගොවි සංවිධාන සවිබල ගැන්වීමේ පුහුණු වැඩසටහන යටතේ මාතර දිස්ත‍්‍රික්කයේ පිහිටි සියලු ම ගොවිජන සංවර්ධන බල ප‍්‍රදේශයන්හි පිහිටි ගොවි සංවිධානවල නායකයන් එනම් සභාපති, ලේකම් හා භාණ්ඩාගාරිකවරුන් සඳහා පුහුණු වැඩසටහන් 22ක් සංවිධානය කර ඇතැයි කෘෂිකර්ම අමාත්‍යාංශය පැවසීය.
හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු කිරීමේ ආයතනය මඟින් ක‍්‍රියාවට නංවන පර්යේෂණ වැඩසටහන් අතර මාතර දිස්ත‍්‍රික්කයෙහි ගොවීන් මුහුණපාන කෘෂිකර්මාන්තය හා ඔවුන්ගේ ජීවන තත්ත්වයට අදාළ ගැටලු පිළිබඳව අධ්‍යයනයක් සිදු කෙරේ. ගොවීන්ගෙන් ඔවුන්ගේ ප‍්‍රදේශවල පවත්නා ගැටලු පිළිබඳව තොරතුරු ලබා ගැනීම ද මෙහිදී සිදු කරනු ඇත.
නිල්වලා ගංවතුර ආරක්ෂණ ව්‍යාපෘතිය යටතේ පවතින ඉඩම්වලින් දැනට වගා කිරීම සිදු නොකරන ඉඩම් නැවත ඵලදායී ලෙස භාවිතයට ගැනීම සඳහා අනුගමනය කළ යුතු උපාය මාර්ග හඳුනාගැනීම සඳහා අධ්‍යයනයන් සිදු කිරීමට ද හෙක්ටර් කොබ්බෑකඩුව ආයතනය සැලසුම් කර තිබේ. මෙහිදී අදාළ පාර්ශව, ආයතන හා ගොවීන්ගේ යෝජනා සලකා බැලීම තුළින් ජල කළමනාකරණය විධිමත් කිරීමටත් ප්රදේශ සඳහා උචිත විකල්ප බෝග හා සත්ත්ව පාලන ක‍්‍රම හඳුනා ගැනීමටත් කටයුතු කෙරේ. මෙම වැඩසටහන් සඳහා අවශ්‍ය සියලු පහසුකම් ලබා දීමට කෘෂිකර්ම අමාත්‍ය මහින්ද යාපා අබේවර්ධන මහතා අදාළ නිලධාරීන්ට උපදෙස් ලබා දී ඇති බව ද අමාත්‍යාංශය පෙන්වා දුන්නේය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
