ඒ අනුව දැනට ගොවිජන සංවර්ධන දෙපාර්තමේන්තුවේ වී වගාව සඳහා සහනාධාර ලබා ගැනීමට සුදුසුකම් ඇති ගොවීන් හට තම හෙක්ටයාර් 02 ට නොවැඩි වී වගා බිම්වල සම්පූර්ණයෙන්ම හෝ කොටසක් හෝ කාබනික ක්‍රමයට වගා කර ඊට අදාළ රජයේ මූල්‍ය සහනාධාරය ලබා ගැනීමට හැකිය.
ඒ අනුව කාබනික ක්‍රමයට ගොවිතැන් කිරීමට කැමැත්තක් දක්වන ගොවීන්ට සහන අයදුම්පත් අදාළ ප්‍රාදේශීය ලේකම් කොට්ඨාසයෙන් හෝ ගොවිජන සංවර්ධන දෙපාර්තමේන්තුවෙන් හෝ සෙමා ආයතනයෙන් ලබාගත හැකිය.
වස විස නැති රටක් තේමාව යටතේ කෘෂිරසායනවලින් තොර ගොවිතැන පිළිබඳ රජයේ වැඩසටහනට අනුව ජනාධිපති ලේකම් කාර්යාලයට අනුබද්ධිත උපායමාර්ගික ව්‍යවසාය කළමනාකරණ ආයතනය (සෙමා) විසින් මෙහි සියළු කටයුතු සම්බන්ධීකරණය කරනු ලබයි.
