මෙම ව්‍යාපෘතිය සඳහා අවශ්‍ය මූල්‍ය ප්‍රතිපාදන යාපනය දිස්ත්‍රික් ලේකම් කාර්යාලය හරහා බන්ධනාගාර ප්‍රතිසංස්කරණ, පුනරුත්ථාපන, නැවත පදිංචි කිරීම හා හින්දු ආගමික අමාත්‍යංශ මගින් ලබා දීමට කටයුතු කර ඇත.
සාමය උදාවීමත් සමගම යාපනය අර්ධද්වීපයේ ප්‍රවාහන පහසුකම් සංවර්ධනය වුවද දූපත් ආශ්‍රිත ව ප්‍රවාහන පහසුකම් සංවර්ධනය වී නොමැත. යාපනයේ දූපත් ප්‍රදේශවල දෛනික කටුයුතු සඳහා අත්‍යාවශ්‍ය ප්‍රවාහන කටයුතු සිදු කරනු ලබන්නේ ජලජ ප්‍රවාහනය මගිනි. එම දූපත් වාසී ජනතාවට මගී ප්‍රවාහන යාත්‍රා නැවැත්වීමට හැකි ජැටි නොමැති වීම හේතුවෙන් මොවුන්ගේ ජීවිකාව සහ අනෙකුත් ප්‍රවාහන කටයුතු කරගෙන යාමේදී මහත් දුෂ්කරතාවයන්ට මුහණ දීමට සිදුවී තිබේ. මෙම නව ජැටියේ ඉදිකිරීම් අවසන් වීමත් සමග ඩෙල්ෆ් දූපත් වාසීන්ට ඔවුන්ගේ ප්‍රවාහන පහසුකම් ආරක්‍ෂිතව සහ පහසුවෙන් සිදු කරගෙන යෑමේ අවස්ථාව උදාවේ.
ජැටියේ ඉදිකිරීම් උතුරු පළාත් ආණ්ඩුකාරවරයා විසින් කරන ලද ඉල්ලීමකට අනුව, නාවික හමුදාපති වයිස් අද්මිරාල් රවින්ද්‍ර විජේගුණරත්න මහතාගේ උපදෙස් මත ක්‍රියාත්මක කොට ඇත.
ආගමික නායකයින්, ශ්‍රී ලංකා නාවික නෞකා වසභ ආයතනයේ අණදෙන නිලධාරී කොමාණ්ඩර් ඉදුනිල් කුරුප්පු මහතා සහ යාපනය ප්‍රාදේශිය ලේකම් කාර්යාලයේ නියෝජිතයින් පිරිසක් එම ආරම්භක අවස්ථාවට සහභාගි වූහ.
