9වැනි වරට පවත්වනු ලබන මෙම ප්‍රදර්ශනයේ දී ටියුබ්, ඝන ටයර්, රබර් අත් වැසුම්, රබර් මෙට්ට හා කොට්ට, රබර් කාපට්, රබර් ක්‍රීඩා භාණ්ඩ ඇතුළු රබර්වලින් නිෂ්පාදනය කරනු ලබන අගය එකතුකළ වෙනත් භාණ්ඩ මෙහිදී ප්‍රදර්ශනය කෙරෙනු ඇත.
ඉන්දියාව හා අන්තර්ජාතික වෙළඳ ගනුදෙනුකරුවන් සමඟ වෙළෙඳ සබඳතා ඇති කර ගැනීම හා අන්තර්ජාතික වෙළෙඳපොළේ ශ්‍රී ලාංකීය රබර් ආශ්‍රිත නිෂ්පාදන ප්‍රවර්ධනය හා අපනයන තවදුරටත් වර්ධනය කරගැනීමේ අරමුණින් මෙම ප්‍රදර්ශනය සංවිධානය කරනු ලබයි.
ශ්‍රී ලංකා අපනයන සංවර්ධන මණ්ඩලය, ඉන්දියාවේ ශ්‍රී ලංකා නියෝජ්‍ය මහ කොමසාරිස් කාර්යාලයේ සහාය ඇති මෙම ප්‍රදර්ශනය සංවිධානය කරනු ලබයි.
