අමාත්‍යවරයා මෙම අදහස් පළකළේ මහනුවර මහා නගරයේ සංවර්ධන සැලැසුම සකස් කිරීම තාක්ෂණික සහය ලබාගැනීමේ අරමුණින් ජපන් අන්තර්ජාතික සහයෝගීතා ඒජන්සිය සමග (JAIC) සමග ගිවිසුමකට අත්සන් කිරීමේ ප‍්‍රධාන ආරාධිතයා ලෙස එක් වෙමිනි.
මෙම ගවිසුම අත්සන් කිරීම මහනුවර ස්විස් හෝටලයේ දී සිදු වූ අතර එයට නාගරික සංවර්ධන අධිකාරියේ පාර්ශවයෙන් එහි සභාපති ආචාර්ය ජගත් මුණසිංහ මහතා අත්සන් තැබූ අතර ජයිකා ආයතන නියෝජනය කරමින් ජ්‍යෙෂ්ඨ නියෝජිත ටෝ රු කොබයා කාවා මහතා අත්සන් තබන ලදි.
මහනුවර නගරය කොළඹ හැරුණු විට තිබෙන ප‍්‍රධානම නගරය බවත් වාණිජමය මෙන් ම පරිපාලනමය වශයෙන් මහනුවර ප‍්‍රධාන වන බවත් පෙන්වාදුන් අමාත්‍යවරයාමහනුවර නගරට රට මැද පිහිටලා ඇති නිසා රටේ තිබෙන අනෙක් බොහෝ නගර සමග සම්බන්ධ බවත් පෙන්වා දුන්නේය.
මේ වන විට වායු දූෂණය අතින් ඉහළ ම නගරය බවට පත්ව ඇත්තේ කොළඹ නගරය නොව මහනුවර නගරය බව සඳහන් කරන අමාත්‍යවරයා ජපන් සහයෝගීතා ආයතනය ඒ සියලු සාධක හොඳින් බලන ආයතනයක් බවත් ඒ ආයතනය හරහා විධිමත් සැලසුමක් ඇති කර ගැනීම මහනුවරට අවශ්‍යය යැයි ද කීය.
මහනුවර උපාය මාර්ගික නරගයක් හැටියට තේරුම් ගෙන ලෝක බැංකු ව්‍යාපෘතියක් කි‍්‍රයාත්මක කොට ඇති බවත් ලංකාවේ පළවෙනි බහුකාර්ය - බහුවිධ ප‍්‍රවාහන මධ්‍යස්ථානය මහනුවර ඉදිවන බවත් පෙන්වා දෙන අමාත්‍යවරයා ලබන වසරේ මැද භාගය වෙන විට එම සියලු සංවර්ධන කටයුතු ආරම්භ කිරීමට පියවර ගන්නා බවත් අමාත්‍යවරයා වැඩිදුරටත් ප්‍රකාශ කර සිටියේය.
