පසුගියදා ගාල්ල අතිරේක දිස්ත්‍රික් ලේකම් මාලනී ලොකු පෝතාගම මහත්මියගේ ප්‍රධානත්වයෙන් පැවති ගාල්ල දිස්ත්‍රික් කෘෂීකර්ම කමිටු රැස්වීමේදී වනජීවි සංරක්ෂණ දෙපාර්තමේන්තුවේ හික්කඩුව උද්‍යාන භාරකරු කසුන් තරංග මහතා මේ බව අනාවරණය කරන ලදී.
එමෙන් ම මාදු ගඟ ආශ්‍රිතව ධාවනය වන මෝටර් බෝට්ටු නිසාවෙන් හටගෙන ඇති පාරිසරික අවදානම් තත්වයන් පිළිබඳව ද මෙහිදී විශේෂ අවධානය යොමු වූ අතර ඒ සඳහා අවශ්‍ය උපදෙස් බලධාරීන්ට ලබා දීම සිදු විය. අම්බලන්ගොඩ, රත්ගම ප්‍රදේශයන්හි පසුගිය කාලයන්හි ඇතිවු රතු කුරුමිණි පොල් උවදුර සඳහා පොල් වගා කිරීමේ මණ්ඩලය විසින් මේ වන විට ප්‍රදේශවාසීන් දැනුවත් කර ඇත. එය ඉතා සාර්ථක මට්ටමින් මැඩපැවැත්විය හැකි බවට ඔවුහු සහතික වූහ.
ඉදිරියේ දී නියාගම ප්‍රාදේශීය ලේකම් කොට්ඨාශයට රඹුටන් වගාව ව්‍යාප්ත කිරීමේ අරමුණින් රඹුටන් පැල 1000 ක් වගා කරුවන් 18 දෙනෙකු වෙත බෙදා හැරීමට නියමිත අතර හොරණ පළතුරු පර්යේෂණ හා සංවර්ධන ආයතනය මගින් මෙම පැල ප්‍රදානය සිදු කිරීමට නියමිතය.
AP/DMU - Galle
