එහිදී ශී‍්‍ර ලංකාවාසී ජනතාවට සුරක්‍ෂිත මාර්ග පද්ධතියක් ලබාදීම, මාර්ග ආරක්‍ෂාව පිළිබඳ ජාතික සභාවේ වගකීම වනු ඇති බවද සභාපතිවරයා පැවසීය.
2016 ජනවාරි 01 දි සිට ජූලි 31දා දක්වා මාරක රිය අනතුරු 1568 සිදු වී ඉන් මිය ගිය සංඛ්‍යාව 1632 වේ. ඉන් යතුරුපැදිවලින් සිදු වූ මාරක රිය අනතුරු ප‍්‍රමාණය 666 හා ඉන් මිය ගිය සංඛ්‍යාව 686 ඇත. මෙම මියගිය පුද්ගලයන් බොහෝ ප‍්‍රමාණයක් තරුණයන් වන අතර රැකියාවන් හි නිරත පිරිසක් ද වේ.
මාර්ග රිය අනතුරු හේතුවෙන් රටට ආර්ථික වශයෙන් මහත්වූ පාඩුවක් විඳදරා ගැනීමට සිදු වි ඇත. මෙලෙස අනතුරුවලට ලක්වුවන්ට ප‍්‍රතිකාර ලබාදීම සඳහා වැය වන විශාල මුදල් ප‍්‍රමාණය රටේ අධ්‍යාපනය ඇතුළු අනෙකුත් යටිතල පහසුකම් දියුණු කිරීම සඳහා යොදා ගත හැකි වේ.
යතුරුපැදි අනතුරු ගැන අවධානය යොමු කිරීමේදී ආරක්‍ෂිත හිස් වැසුම් නිවැරදි ලෙස නොපැළදීම සහ ප‍්‍රමිතියෙන් යුතු හිස් වැසුම් නොපැළදී හේතුවෙන් හිසට සිදු වන බරපතල තුවාල හේතුවෙන් මරණ සහ බරපතල ලෙස තුවාල ලැබීමෙන් සදාකාලික අබාධිත තත්ත්වයට පත් වන ප‍්‍රමාණය ද ඉතා අධික බව පැහැදිලිව පෙනි යයි.
ආරක්‍ෂිත ප‍්‍රමිතියෙන් යුතු හිස් වැසුමක තිබියු යුතු කරුණු අතර, ප‍්‍රමුඛ වන කරුණක් නම් හිස්වැසුමේ මතුපිට ආවරණය හා ඇතුලත ඇති රිජීෆෝම් ආවරණය අතර හිස් අවකාශයක් නොතිබිය යුතු බවත්, මතුපිටින් එල්ල වන බාධාවන් ඇතුලත ඇති රිජීෆෝම් ආවරණය මගින් උරා ගත යුතු බවත් ඒ මහතා වැඩි දුරටත් සඳහන් කළේය.
කෙසේ වෙතත් වර්තමානයේදී වෙළඳපොළ තුළ SLS සහතිකය සහිත හිස් ආවරණ නොමැති බවත්, ශී‍්‍ර ලංකා ප‍්‍රමිති ආයතනය මගින් වසරක කාලයක් SLS සහතිකය ලබා ගැනීමට හිස් ආවරණ මෙරටට ආනයනය කරනු ලබන ආයතනවලට අවස්ථාව ලබා දුන්න ද මේ වන තෙක් ඊට කිසිදු ප‍්‍රතිචාරයක් නොදැක්වීම කණගාටුවට කරුණක් බවද සභාපතිවරයා වැඩිදුරටත් පැවසීය.
