එක්රැස් කරන ලද ද්‍රව්‍යමය ආධාර ක්‍රමානුකූලව ආපදාවට පත් ප්‍රදේශ වෙත ප්‍රවාහණය කිරීමේ කටයුතු දිනපතා සිදු කෙරෙමින් පවතී. කොළඹ හා ගම්පහ දිස්ත්‍රික් ලේකම්වරුන් මාර්ගයෙන් අදාළ ප්‍රදේශ වලට මේවන විට ලොරි පිටත්කර ඇත.
මාතර දිස්ත්‍රික් ලේකම් කාර්යාලය සහ මාතර, හක්මණ, පිටබැද්දර, පස්ගොඩ, දික්වැල්ල, මුලටියන, මාලිම්බඩ, දෙවිනුවර, අකුරැස්ස, කොටපොල, කිරින්ද - පුහුල්වැල්ල, කඹුරුපිටිය, වැලිගම, අතුරලිය, තිහගොඩ හා වැලිපිටිය යන ප්‍රාදේශීය ලේකම් කාර්යාලවල ආධාර එක්රැස් කිරීමේ මධ්‍යස්ථාන පවත්වාගෙන යති.
පානීය ජල බෝතල්, ළදරු කිරිපිටි, ළදරුවන් සඳහා සනීපාරක්ෂක යට ඇඳුම්, පැදුරු හා කොට්ට, ලන්තෑරුම්, පාසල් ළමුන්ගේ උපකරණ, ළිං පිරිසිදු කිරීමට වතුර පොම්ප, ජෙනරේටර්, කඳවුරු ගොඩනැගිලි සඳහා ජනෙල් ආවරණ, ජල බවුසර්, කාන්තාවන් සඳහා අවශ්‍ය ඇඳුම් කට්ටල, පිරිමින් සඳහා අවශ්‍ය ඇඳුම් කට්ටල, මුළුතැන්ගෙයි උපකරණ කට්ටල, වියළි ආහාර පාර්සල්, තාවකාලික ආවරණ (ටෙන්ට්), බ්ලැන්කට් හා අනාථ කඳවුරු වලට අවශ්‍ය වෙනත් ආධාර එක් රැස් කිරීම මෙහි දී සිදු කෙරේ.
AP/DMU-Matara
