අම්පාර, නවගම්පුර ප්‍රදේශයේ ඉදිකළ දයාපුර උදාගම්මානය ජනතා අයිතියට පත් කිරීමේ උත්සවයට එක් වෙමින් පසුගියදා ඒ මහතා මේ බව සඳහන් කළේය.
අමාත්‍යවරයා ප්‍රකාශ කළේ දිස්ත්‍රික්කයේ නිවාස අහිමි 33,936 දෙනෙකු හා තම නිවස අඩක් නිම කළ 23,437 දෙනෙකු වෙනුවෙන් අංග සම්පූර්ණ නිවසක ජීවත් වීමේ වරම ලබා දෙන බවයි.
දිරිය කාන්තාවන් දස ලක්ෂයක් සවිබල ගැන්වීමේ වැඩසටහනට සමගාමීව මෙම සෑම නිවසක්ම සඳහා ම අපනයන බෝග ගෙවතු ඉදිකිරීමට නියමිත බවත් පානම ප්‍රදේශයේ නව සංචාරක කලාපයක් ස්ථාපිත කරමින් ඒ ආශ්‍රිතව නව රැකියා අවස්ථා 25,000ක් ඇති කිරීමට පියවර ගන්නා බවත් අමාත්‍ය පෙන්වා දුන්නේය.
දැනට ලංකාවට පැමිණෙන සංචාරකයින් ප්‍රමාණය ලක්ෂ 18ක් පමණ වන අතර මෙවැනි වගේ ව්‍යාපෘති හරහා මේ ප්‍රමාණය ඉහළ නංවාගන්න ශැකි බවත් තායිලන්තයට මීට අවුරුදු දහයකට පෙර තායිලන්තයට සංචාරකයින් ලක්ෂ සීයක් වුවත් අද ඔවුන්ගේ රටට සංචාරකයින් ලක්ෂ තුන් සීයක් පමණ එන්නේ ඔවුන් උපාය මාර්ගික එය වර්ධනය කළ නිසා බවත් අමාත්‍යවරයා වැඩිදුරටත් පෙන්වා දුන්නේය.
