අපරාධ බුද්ධි තොරතුරු විශ්ලේෂණ මධ්‍යම කාර්යාංශයක් අපරාධ වාර්තා කොට්ඨාසයේ (ඇගිලි සලකුණු කාර්යාලය) ස්ථාපිත කිරීමට පියවර ගෙන තිබෙන අතර එය විවෘත කිරීම හෙට (04) සිදු කෙරෙන බව පොලිස් මූලස්ථානය සඳහන් කරයි.
එහිදී දිවයිනේ වාර්තා වන ග්‍රහන අපරාධ තොරතුරු දෛනිකව පොලිස් ස්ථාන මට්ටමින් VPN තාක්ෂණය ඔස්සේ ලබා ගෙන රැස් කිරීම සහ එම දත්ත විශ්ලේෂණය කර හඳුනා ගත් අපරාධ ක්‍රමවේදයන් සහ වර්ධනය වීම් සම්බන්ධයෙන් විමර්ශන නිලධාරීන් දැනුවත් කිරීමේ යනාදී කාර්යයන් සඳහා මෙම කාර්යාංශය ස්ථාපිත කෙරේ.
මෙම විවෘත කිරීමේ උත්සවය නීතිය හා සාමය සහ දක්ෂින සංවර්ධන අමාත්‍ය සාගල රත්නායක මහතා ප්‍රධානත්වයෙන් සිදු කෙරෙන අතර පොලිස්පති එන්.කේ. ඉලංගකෝන් මහතා ද සහභාගි වීමට නියමිතය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
