ඒ සඳහා අවශ්‍ය ඉඩම රන්න ප්‍රදේශයෙන් සොයා ගෙන තිබෙන බැවින් රැකව ප්‍රදේශයට වඩා ජනතාව ගැවසෙන දිනෙන් දින දියුණු වන මේ ප්‍රදේශය සෑම දෙනාටම පහසු තැනක් බැවින් පොලිසීය සුදුසු රන්නට බව අමාත්‍යවරයා පැහැදිලි කර දුන්නේය.
මේ සඳහා 2016 සංවර්ධන වැඩ සටහන යටතේ ඉදිකිරීම් සිදු කරන ලෙස උපදෙස් දුන් රාජ්‍ය අමාත්‍යවරයා කියා සිටියේ අම්බලන්තොට මාමඩල ප්‍රදේශයේද පොලීසියක් ඉදිකිරීමට කටයුතු කරන බවයි. මේ ප්‍රදේශ දෙකටම පොලීසී දෙකක අවශ්‍යතාවය මෙහිදී පෙන්වා දුනි.
පසුගියදා හම්බන්තොට වීරවිල ප්‍රදේශයේ ද නව පොලිස් ස්ථානයක් විවෘත කෙරුණු අතර වීරකැටිය, බෙලිඅත්ත, වලස්මුල්ල රෝහල් වල සහ එම රෝහල්වල නේවාසික රෝගීන්ගේ ආරක්ෂාව සඳහා ද පොලීසියේ නිලධාරීන් යොදවන ලෙස රාජ්‍ය ඇමතිවරයා මෙහිදී උපදෙස් ලබාදුනි.
AP/DMU-Hambanthota
