2013/2014 වර්ෂවල ජාතික ඵලතායිතා සම්මාන උලෙළේ දී ඇගයීමට ලක් වූ මාතර දිස්ත්‍රික්කයේ රාජ්‍ය ආයතන, පාසල්, පෞද්ගලික ආයතන හා ස්වදේශ කටයුතු අමාත්‍යංශයේ මඟ පෙන්වීම යටතේ මාතර දිස්ත්‍රික් ලේකම් කාර්යාලය මෙහෙය වූ ග්‍රාම නිලධාරී කාර්යාල තරඟයේ (2014/2015) ජයග්‍රාහකයන්ට සම්මාන හා සහතික පත්‍ර ප්‍රදානෝත්සවය අද (26) උදෑසන මාතර දිස්ත්‍රික් ලේකම් කාර්යාලීය ගාමිණී ජයසේකර ශ්‍රවණාගාරයේ දී පැවැත්වෙන බව මාතර දිස්ත්‍රික් මාධ්‍ය ඒකකය සඳහන් කරයි.
මාතර දිස්ත්‍රික් ලේකම් ඊ. ඒ. සී. විදානගමාච්චි මහතාගේ ප්‍රධානත්වයෙන් පැවැත්වෙන මෙම උත්සවයේ දී 2013 වර්ෂයේ ජාතික ඵලතායිතා සම්මාන ලාභී ආයතන 32 ක්, 2014 වර්ෂයේ ජාතික ඵලතායිතා සම්මානලාභී ආයතන 34 ක් සහ මාතර දිස්ත්‍රික්කයේ ග්‍රාම නිලධාරී කාර්යාල 22 ක් සඳහා මෙහි දී සම්මාන හා සහතිකපත් පිරිනැමේ.
ප්‍රදේශයේ දේශපාලන නායකත්වය, ජාතික ඵලදායිතා ලේකම් කාර්යාලයේ අධ්‍යක්ෂ තුමාන්, රුහුණ විශ්ව විද්‍යාලයේ උපකුලපතිතුමාන් හා සම්මාන ලාභීන් ඇතුළු පිරිසක් මේ අවස්ථාවට සහභාගි වීමට නියමිත ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
