ජල සම්පාදන ව්‍යාපෘති 22ක් ක්‍රියාත්මක කිරීම සඳහා ලංකා බැංකුව සහ ජාතික ජල සම්පාදන සහ ජලාපවාහන මණ්ඩලය අතර රුපියල් මිලියන 3,499ක ණය පහසුකමක් ලබා ගැනීම වෙනුවෙන් භාණ්ඩාගාර ඇපකරයක් නිකුත් කිරීමට පියවර ගෙන ඇත.
නළ ජල සැපයුම පුළුල් කිරීම සඳහා දේශීය බැංකු මඟින් ලබාගත් අරමුදල් යටතේ ජලසම්පාදන ව්‍යාපෘති 22ක් ක්‍රියාත්මක කිරීම සඳහා අමාත්‍ය මණ්ඩල අනුමැතිය ලැබී තිබුණු අතර ඉහත භාණ්ඩාගාර ඇපකරය නිකුත් කිරීම සඳහා මෙවර අමාත්‍ය මණ්ඩලයට ඉදිරිපත් කළ යෝජනාව ද අනුමත වී තිබේ.
ඉදිරියේ දී ප්‍රමුඛතා පදනම මත ජල සම්පාදන සහ ජලාපවාහන මණ්ඩලය විසින් නළ ජල සේවා ආවරණය පුළුල් කිරීම සඳහා මෙම ව්‍යාපෘති ආරම්භ කරනු ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
