මෙහිදී සංකේතාත්මකව නිවාස හා සමෘද්ධි රාජ්‍ය අමාත්‍ය හේමාල් ගුණසේකර මහතාට කොඩි පැළඳවීම ද සිදු කෙරිණි.
නොවැම්බර් 24, 2024
ජාතික නිවාස සතිය නිමිත්තෙන් නිවාස 50,000ක කඩිනම් නිවාස සංවර්ධන වැඩසටහන යටතේ මාතර දිස්ත්‍රික්කයේ නිවාස ණය ප්‍රතිලාභීන් වෙත චෙක්පත් ප්‍රදානය කිරීමේ උත්සවය ඊයේ (23) ජාතික නිවාස සංවර්ධන අධිකාරියේ මාතර දිස්ත්‍රික් කාර්යාලයේදී පැවැත්විණි.
ප්‍රතිලාභීන් 150 දෙනෙකු සඳහා පළමු ණය වාරිකය වශයෙන් රුපියල් 20,000 බැගින් මිලියන තුනක වටිනාකමින් යුත් චෙක්පත් ප්‍රදානය මෙහිදී සිදු වූ අතර ඉතුරු ණය වාරික ඉදිරියේදී ලබාදීමට නියමිතය.
මාතර දිස්ත්‍රික්කයේ දැනට තොරාගත් ණය ආධාර ප්‍රතිලාභීන් ප්‍රමාණයට වඩා තවත් ප්‍රතිලාභීන් 1500ක් සඳහා ඉදිරියේදී ණය ආධාර ලබාදීමට කටයුතු කරන බව අමාත්‍යවරයා මෙහිදී පැවසීය.
මාතර දිස්ත්‍රික්කයේ ජනමාධ්‍යවේදීන් වෙනුවෙන් ද යම් සහන ණය යෝජනා ක්‍රමයක් ද ආරම්භ කිරීමට අපේක්ෂා කරන බව ද ඒ මහතා වැඩිදුරටත් පැවසීය.
ජාතික නිවාස සංවර්ධන අධිකාරියේ මාතර දිස්ත්‍රික් කාර්යාලය මෙම වැඩසටහන සංවිධානය කර තිබේ.
මෙම අවස්ථාවට රාජ්‍ය නිලධාරීන් සහ ණය ආධාර ප්‍රතිලාභීන් ඇතුළු පිරිසක් එක්ව සිටියහ.
kpm_DMU_Mathara
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
