මේ රටේ මිනිසුන්ට අමතකවීමට පෙර මේ පහත් ක්‍රියාව කරන ලද වැරදිකරුවන්ට දඬුවම් ලබා දීම කඩිනමින් ක්‍රියාත්මක කරන්න පියවර ගත යුතු බව ද අමාත්‍යවරයා පෙන්වා දුන්නේය.
මෙරට මැතිවරණ ක්‍රමය ගැන අදහස් පළ කළ අමාත්‍යවරයා, බොරු ප්‍රජාතන්ත්‍රවාදයක් මවා ගත් සමහර දේශපාලන පක්ෂ මැතිවරණ ක්‍රමය වෙනස් කිරීම ගැන කර අරින්න හදන බවත් නව මැතිවරණ ක්‍රමය ඉතා ඉක්මනින් පාර්ලිමේන්තුවේ සම්මත කර ගත යුතු බවත් කීය.
දැනට තිබෙන මැතිවරණ ක්‍රමය අපේ රටට ගැලපෙන්නේ නැහැ. ජනතාවට වගකියන ජනවිඥානය තේරුම් ගත් රටේ තීන්දු තීරණ ගත හැකි පුද්ගලයන් පාර්ලිමේන්තුවට ආ යුතුයි. තියෙන මැතිවරණ ක්‍රමය හරහා මැතිවරණයකට යාම ප්‍රශ්නයක්. මේ පාර්ලිමේන්තුව ලබන අප්‍රේල් වෙනකම් යා හැකියි. 2016 වෙනකම් අවස්ථාව තියෙන නිසා 19 වන ව්‍යවස්ථා සංශෝධනය යටතේ ස්වාධීන මැතිවරණ කොමිසමක් හදන්න හැකි නම්, නව මැතිවරණ ක්‍රමයකට යා හැකි නම් එය කළ යුතුයි.
ශ්‍රී ලංකා නිදහස් පක්ෂය මෙයට එකඟයි. එසේම සුළු පක්ෂවලට අවාසි නොවන පරිදි සියලු දෙනාට යහපත් වන නව මැතිවරණ ක්‍රමයකට යා යුතු බව ද අමාත්‍යවරයා අවධාරණය කළේය.
NDH
