ඒ මහතා මේ බව ප්‍රකාශ කළේ පසුගිය දින තිස්සමහාරාම දෙබරවැව මැණික් රජමහා විහාරස්ථානයේ වාහල්කඩ ඉදිකිරීම වෙනුවෙන් ශෛල ප්‍රතිස්ථාන පිංකමට සහභාගි වෙමිනි. එහිදී අමාත්‍යවරයාගේ පෞද්ගලික ධන පරිත්‍යාගයක් ලෙස රුපියල් එක්ලක්ෂ අසූපන්දහසක් වටිනා සිමෙන්ති තොගයක් ද පරිත්‍යාග කළේය.
අපේ රටේ තමන්ගේ යැයි නිවසක් නොමැති ව පවුල් ලක්ෂ 12කට ආසන්න ප්‍රමාණයක් සිටින බවත් දින 100වැඩසටහන තුළ අපේ රටේ නිවාස 50,000 ආරම්භ කිරීමට බලාපොරොත්තු වෙන බවත් අමාත්‍යවරයා කීය.
"දින 100ක් තුළ සෑම පොරොන්දුවක් ම ඉටු කිරීමට බැහැ. ජනතාව වසර ගනනාවක් ඉවසමින් බලාසිටියේ පැහැදිලි ජනතාවාදී යුගයක්, ජනතාවාදී රජයක් බිහිවෙනතුරුයි. ඒ ජනතාවාදී යුගය, සහය ලබාදෙන යුගය අද බිහිවී හමාරයි".
"හම්බන්තොට දිස්ත්‍රික්කයේ ඉඩම් නොමැති පවුල් 12,000කට ඉඩම් ලබාදීමට මෙන් ම ඉඩම් නොමැති රජයේ සේවකයන් 2000කට ඉඩම් ලබාදීමට ඉදිරියේ දී කටයුතු කරනවා".
එළඹෙන මාසයේ දී 1,480,000කට වැඩි සමෘද්ධිලාභීන්ට ලැබෙන සමෘද්ධි සහනාධාරය 200%කින් වැඩිකිරීමට පියවර ගන්නා බවත් මේවා මෛත්‍රීපාල යහපාලන යුගයේ ජනතාවට ලැබෙන ප්‍රතිලාභ බවත් අමාත්‍යවරයා මෙහිදී වැඩිදුරටත් පෙන්වා දුනි.
DB
