අද (05) පෙරවරුවේ එම විහාරස්ථානය වෙත ගිය ජනාධිපතිතුමා විහාර මන්දිරය සහ බෝධින් වහන්සේ අභියස ආගමික වතාවත්වල නිරත වීමෙන් අනතුරුව විහාරස්ථානයේ සමන් දේවාලය වෙත ද ගොස් ආශිර්වාද ලබා ගත්තේය.
ඉන් අනතුරුව අභිනව විහාර මන්දිරය විවෘත කරමින් එහි ප්‍රථම මල් පූජාව සිදු කළේය.
විහාරාධිපති පූජ්‍ය ගිලීමලේ චන්ද්‍රාලෝක නායක හිමිපාණන් වහන්සේ ද බැහැදුටු ජනාධිපතිතුමා උන්වහන්සේගේ සුව දුක් විමසා කෙටි පිළිසඳරක නිරත විය.
ජනාධිපතිතුමාගේ පැමිණීම සනිටුහන් කරමින් විහාර පරිශ්‍රයේ අඹ පැලයක් රෝපණය කිරීම ද සිදුවිය.
ප්‍රදේශයේ අතිවිශාල ජනතාවක් විහාරස්ථානය වෙත පැමිණ සිටි අතර ජනාධිපතිතුමා ඔවුන් සමඟ ද සුහද කථා බහක නිරත විය.
ශ්‍රී ලංකා අමරපුර මහා නිකායේ උත්තරීතර මහානායක අතිපූජ්‍ය දවුල්දෙණ ඥානීස්සර නායක හිමිපාණන් වහන්සේ, පූජ්‍ය කොටුගොඩ ධම්මාවාස අනුනායක හිමිපාණන් වහන්සේ ප්‍රමුඛ මහා සංඝරත්නය ද මෙම අවස්ථාවට වැඩම කර සිටියහ. මීට අමතර ව අමාත්‍යවරුන් කරූ ජයසුරිය, විජයදාස රාජපක්ෂ, තලතා අතුකෝරළ යන මහත්ම මහත්මීන් ද ප්‍රජාතන්ත්‍රවාදී පක්ෂයේ නායක සරත් ෆොන්සේකා මහතා ඇතුළු පිරිසක් ද මීට එක්ව සිටියහ.
DB
