පවතින දැඩි වර්ෂාපතනය හේතුවෙන් විපතට පත් ව සහන කඳවුරුවල රැඳී සිටින ජනතාවට අවශ්‍ය ආහාර ඇතුළු අත්‍යවශ්‍ය ද්‍රව්‍ය අඛණ්ඩව කඩිනමින් ලබා දෙන ලෙසත් විපතට පත් පවුල් සඳහා වියළි ආහාර වෙනුවෙන් රජය සතියකට ලබා දෙන රුපියල් 805/-ක ආධාර මුදල රුපියල් 1500/- දක්වා වැඩි කිරීමට ද ජනාධිපති මහින්ද රාජපක්ෂ මැතිතුමා අදාළ අංශවලට උපදෙස් ලබා දී ඇත.
දිවයිනට බලපා ඇති මෙම අයහපත් කාලගුණික තත්ත්වය හේතුවෙන් වැව් ගණනාවක් වාන් දමමින් තිබෙන අතර දිවයිනේ පළාත් රැසක ජනතාව 669,557 දෙනෙකු මේ වන විට පීඩාවට පත්ව ඇත. අද මධ්‍යහන 12:00 වනවිට ආරක්ෂිත ස්ථාන 315ක පවුල් 17459කට අයත් 60414 දෙනෙකු රඳවා සිටින බව ආපදා කළමනාකරණ මධ්‍යස්ථානය පවසයි.
ආපදාවන්ට ලක්වූවන්ට සහන සැලසීමට රජය මිලියන 173ක මුදලක් වෙන්කර ඇතැයි ආපදා කළමනාකරණ අමාත්‍ය මහින්ද අමරවීර මහතා පවසයි.
SE/priu
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
