ටෙලිමේල් සේවය නෛතික තත්ත්වයට පත් කරන්න රාජ්‍ය පරිපාලන අමාත්‍යවරයා සමඟ සාකච්ඡා කරමින් සිටින බවත් ටෙලිමේල් සේවයේ පවතින මිලෙහි වෙනසක් සිදු කළ නොහැකි බවත් තැපැල් සේවා අමාත්‍ය ජීවන් කුමාරතුංග මහතා පවසයි.
අමාත්‍යවරයා මෙසේ පැවසුවේ පාර්ලිමේන්තු මන්ත්‍රී බුද්ධික පතිරණ මහතා විසින් අද (12) පාර්ලිමේන්තුවේදී වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු වශයෙනි.
ටෙලිග්රෑම් සේවයේදී අප කළේ බෙදා හැරීම පමණයි. ටෙලිමේල් කටයුතු විධිමත් කර එහි අඩුපාඩු ඇති නොවන තත්ත්වයට පත් කරන්න කටයුතු කර ගෙන යනු ඇත. පසුගිය කාලයේ පරිගණක දැනුම ඇති 1080ක් තැපෑලට බඳවා ගත් බවත් තාක්ෂණ අංශයක් පිහිටුවා තැපැල් සේවය ජාලගත කළ බවත් අමාත්‍යවරයා පෙන්වා දුන්නේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
