දේශපාලන අවශ්‍යතා වෙනුවෙන් කටයුතු කරන කණ්ඩායම්වලට හසු නොවී දරුවන්ගේ අනාගතය වෙනුවෙන් රට ගොඩනැගීමට සියලු දෙනා එක්විය යුතු බව ද ජනාධිපතිතුමා පැවසීය. අස්ථාවර ආණ්ඩුවක් සහිත රටක සංවර්ධනය කරා ගමන් කළ නොහැකියි. බටහිර ජාතීන් උත්සාහ දරන්නේ අපේ රටටත් මේ ඉරණම උදාකරන්න යැයි ජනාධිපතිතුමා කියා සිටියේය.
මේ නිසා අසත්‍ය ප‍්‍රචාරවලට නොරැවටී රටේ ගොඩනැගී ඇති ස්ථාවරභාවය ඉදිරියට ගෙන යාමට එක් වීම සියලු දෙනාගේ වගකීම බවත් ජනාපධිතිතුමා අවධාරණය කළේය.
විරසක අඹුසැමියන් දික්කසාදයට නොගොස් ඔවුන් යළි එකතුකිරීමේ යෝජනාවක් ද රාජපක්ෂ මැතිතුමා මෙහිදී අවධාරණය කළේය.
සමථ මණ්ඩලය නියෝජනය කරමින් සුවිශේෂී සමාජ මෙහෙවරක් ඉටුකළ පැරණි සාමාජිකයන්ට උපහාර සහතිකපත් පිළිගැන්වීම ද මෙහිදී ජනාපධිතිතුමා අතින් සිදු විය.
අධිකරණ අමාත්‍ය රවුෆ් හකීම්, අමාත්‍යාංශයේ ලේකම් කමලනී ද සිල්වා, සමථ මණ්ඩල සභාවේ සභාපති විශ‍්‍රාමලත් ශ්‍රේෂ්ඨාධිකරණ විනිශ්චයකාර හෙක්ටර් එස්. යාපා යන මහත්ම මහත්මීහු ඇතුළු පිරිසක් මේ අවස්ථාවට එක්ව සිටියහ.
NDH/priu
