"අසන මන්ත්‍රීත් නැහැ, පිළිතුරු දෙන්න ඇමතිත් නැහැ" කියා රාජපක්ෂ මහතා ප්‍රකාශ කළේ වාචික ප්‍රශ්න වටයේදී ප්‍රශ්න අසා තිබූ මන්ත්‍රීවරුන් 15 දෙනාගෙන් 13 දෙනෙකු ද පිළිතුරු දීමට නියමිත අමාත්‍යවරුන්ගෙන් බහුතරයක් ද නොපැමිණීම නිසාය.
නොපැමිණි අමාත්‍යවරුන් වෙනුවෙන් ආණ්ඩු පක්ෂයේ ප්‍රධාන සංවිධායක අමාත්‍ය දිනේෂ් ගුණවර්ධන මහතා ප්‍රශ්නවලට පිළිතුරු ලබා දුන් අතර සමහර ප්‍රශ්නවලට කල් ලබා ගත්තේය. පැමිණ සිටියේ අධ්‍යාපන අමාත්‍ය බන්දුල ගුණවර්ධන මහතා පමණි. එහෙත් ප්‍රශ්නය ඇසිය යුතු මන්ත්‍රිනී අනෝමා ගමගේ මහත්මිය නොපැමිණි නිසා ඒ මහතා පිළිතුර සභාගත කළේය.
පසුව අමාත්‍ය නිමල් සිරිපාල ද සිල්වා මහතා පැමිණි අතර එතුමාගේ කල් ඉල්ලා තිබූ ප්‍රශ්නයට පිළිතුරු ඒ මහතා සභාවට ලබා දුන්නේය.
NDH
