පාසල් ළමුන් සඳහා ලිපිද්‍රව්‍ය ලබාගැනීම පිණිස දීමනාවක් ලබාදීම සඳහා වූ පරිපූරක ඇස්තමේන්තුව පිළිබඳව පාර්ලිමේන්තුවේ පැවති විවාදයට එක්වෙමින් අග්‍රාමාත්‍ය ආචාර්ය හරිනි අමරසූරිය මේ බව සඳහන් කළාය.
මෙහිදී වැඩිදුරටත් අදහස් දැක් වූ අග්‍රාමාත්‍ය ආචාර්ය හරිනි අමරසූරිය,
මේ වෙනකොට විපක්ෂයට අපේ ආණ්ඩුවේ මන්ත්‍රීවරුන්ගේ, ඇමතිවරුන්ගේ අධ්‍යාපන සුදුසුකම් පිළිබඳ පුදුම උනන්දුවක් ඇති වෙලා. ඉස්සර විපක්ෂය කතා කළේ ආණ්ඩුවේ අධ්‍යාපන සුදුසුකම් ගැන නෙමෙයි හොරකම් ගැන. දැන් අපේ හොරකම් ගැන හොයන්න බැරි නිසා අධ්‍යාපන සුදුසුකම් ගැන හොයනවා. අවංකව ජනතාව වෙනුවෙන් බොරුවක් හෙළිදරව් කිරීමේ වුවමනාවෙන් නම් මේ පරීක්ෂණය සිද්ධ වෙන්නේ ඒකට අපි සහයෝගය දෙනවා. නමුත් මෙතන තියෙන්නේ ඉතාමත්ම පටු දේශපාලන අරමුණක්. මේ ආණ්ඩුව පත්වුණු මොහොතේ සිටම විපක්ෂය උත්සාහ කළේ රජය අවතක්සේරු කරන්න. අපි පිළිබඳ වැරදි චිත්‍රයක් සමාජගත කරන්න.
ජනතාව මේ පාර්ලිමේන්තුව පත්කළ අරමුණ තවම විපක්ෂය තේරුම් අරගෙන නැති බව විපක්ෂයේ කටයුතු වලින් පැහැදිළි වන බවද අග්‍රාමාත්‍ය ආචාර්ය හරිනි අමරසූරිය පැවසුවාය.
