පසුව විහාරාධිපති කෝට්ටේ ශ්‍රී කල්‍යාණි සාමග්‍රී ධර්ම මහා සංඝ සභාවේ වඩබලන මහා නායක ආචාර්ය පූජ්‍ය ඉත්තෑපාන ධම්මාලංකාර අනුනායක ස්වාමීන් වහන්සේ ද බැහැදැක සුවදුක් විමසා කෙටි පිළිසඳක නිරත විය.

විහාර භූමිය ආසන්නයේ ඉදිකළ මහ බෝ වැවෙන් ලබා ගත් ප්‍රථම පැන් කළය විහාරස්ථානයේ බෝ සමිඳුන් වෙත පූජා කිරීම ද ජනපතිතුමා අතින් සිදු විය.

විහාරාධිපති හිමියන්ගේ අනුශාසනා පරිදි මේ විහාරස්ථානයට හා දායක දායිකාවන්ට අයත් ඉඩම් අක්කර 05ක වගුරු බිමෙහි රාජ්‍ය ආරක්ෂක හා නාගරික සංවර්ධන අමාත්‍යාංශය හා ශ්‍රී ලංකා ඉඩම් ගොඩකිරීමේ සහ සංවර්ධනය කිරීමේ සංස්ථාව මඟින් මේ වැවෙහි ඉදිකිරීම් කටයුතු සිදු කර ඇත.

වැවෙහි ඉදිකිරීම් කටයුතු පරීක්ෂා කළ ජනාධිපතිතුමා ඒ වටා ඉදිකෙරෙන පදික මංතීරුව ද නිරීක්ෂණය කළේය.

ප්‍රදේශයේ අතිවිශාල පිරිසක් විහාරස්ථානය වෙත රැස් ව සිටි අතර එම ජනතාව අතරට ද ගොස් ජනාධිපතිතුමා ඔවුන්ගේ සුවදුක් විමසීමට අමතක නොකළේය.

අමාත්‍යවරුන් වන සී.බී. රත්නායක, බන්දුල ගුණවර්ධන, පවිත්‍රා වන්නිආරච්චි, ජගත් පුෂ්පකුමාර, රාජ්‍ය ආරක්ෂක හා නාගරික සංවර්ධන අමාත්‍යාංශයේ ලේකම් ගෝඨාභය රාජපක්ෂ යන මහත්ම මහත්මීහු මීට එක් ව සිටියහ.

NDH/pmu_pix by Nishanka de Silva