චීන ජනාධිපතිතුමා සහ එම මැතිණිය පිළිගැනීමේ විචිත්‍රවත් වූ උළෙලට සිය ගණනක් පාසල් සිසුන් හා සිසුවියන් සහභාගි වූ අතර ඉන් අනතුරු ව ඔවුහු දූත පිරිස සමඟ කොළඹට පැමිණියහ.
චීන ජනාධිපති සහ ඔහුගේ දූත පිරිස පිළිගැනීම සඳහා ඉහළ පෙළේ නිලධාරීන් ගණනාවක් ද ගුවන් තොටුපළට පැමිණ සිටියහ.
අද ජනාධිපති ලේකම් කාර්යාලයේ දී ජනාධිපතිතුමා ෂී මැතිතුමා ජනාධිපති මහින්ද රාජපක්ෂ මැතිතුමා සමඟ ද්විපාර්ශ්වීය සාකච්ඡා සඳහා සහභාගිවන අතර නොරොච්චෝලේ ලක්විජය විදුලි බලාගාරයේ තෙවන අදියර බලගැන්වීම ද සිදු කරයි. දෙරට අතර සහයෝගීතාව වර්ධනය කිරීම සඳහා නායක දෙපළ ද්විපාර්ශ්වීය ගිවිසුම් 20කට අධික ප්‍රමාණයක් අත්සන් තැබීමට ඔවුන්ගේ දූත පිරිස් සමඟ එක්වීමට ද නියමිතය.
අද අරලියගහ මන්දිරයේ දී ජනාධිපති රාජපක්ෂ මැතිතුමා සහ ආර්යාව විසින් චීන ජනාධිපතිතුමා සහ එම ආර්යාව හා එම දූත පිරිස සඳහා රාත්‍රී භෝජන සංග්‍රහයක් ද පවත්වනු ඇත.
ජනාධිපති රාජපක්ෂ මැතිතුමා සහ ෂී මැතිතුමා හෙට (17) කොළඹ වරාය නගරය ඉදිකිරීම ආරම්භ කිරීම සඳහා කොළඹ ජාත්‍යන්තර බහාලුම් පර්යන්තයේ චාරිකාවක නිරතවීමට ද නියමිතය.
DB
