ජයවර්ධනපුර මහ රෝහලේ අලුත්වැඩියා කටයුතු හා නව උපකරණ ගෙන ඒම සඳහා ජයිකා ආධාර යටතේ 2015දී මුදල් ලබා ගන්න කටයුතු කරන බව සෞඛ්‍ය නියෝජ්‍ය අමාත්‍ය ලලිත් දිසානායක මහතා පවසයි.
අමාත්‍යවරයා මේ බව පැවසුවේ අද (24) පාර්ලිමේන්තුවේදී පාර්ලිමේන්තු මන්ත්‍රී රවී කරුණානායක මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
මහා භාණ්ඩාගාරයෙන් රුපියල් මිලියන 1200ක් ලබාදෙනු ඇතැයි බලාපොරොත්තුවයි. වෛද්‍යවරුන් සඳහා මේ රෝහලේ විශාල මුදලක් වෙන් කර නැහැ. රෝගීන්ට මුල් තැන දෙමින් කටයුතු කරන බව ද අමාත්‍යවරයා පෙන්වා දුන්නේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
