එම්.කේ.ඒ.ඩී.එස්. ගුණවර්ධන මහතාගේ පිළිරුව නිරාවණය කළ ජනාධිපතිතුමා ඒ වෙත මල් කළඹක් තැන්පත් කර පුෂ්පෝපහාර දැක්වීය. එමෙන්ම එම්.කේ.ඒ.ඩී.එස්. ගුණවර්ධන නගර ශාලා ගොඩනැගිල්ල ද අද විවෘත කෙරුණේ ද ජනාධිපතිතුමා අතිනි.
ත්‍රිකුණාමල දිස්ත්‍රික්කයේ ජනතාව වෙත පිරිසිදු පානීය ජලය ලබාදීම සදහා ඉදිකළ ප්‍රතිආශ්‍රැතිකරණ ජල පද්ධති 09 ක් දුරස්ථ සන්නිවේදන තාක්ෂණය ඔස්සේ ජනතා අයිතියට පවරාදීම ද මෙහිදී ජනාධිපතිතුමා අතින් සිදු විය.
දිස්ත්‍රික්කයේ උපාධිධාරින් 160 දෙනෙකු වෙත ගුරු පත්වීම් ලබාදීමේ වැඩසටහන යටතේ උපාධිධාරින් පස් දෙනෙකුට සංකේතාත්මකව ගුරු පත්වීම් ප්‍රදානය කිරීම ද ජනාධිපතිතුමා අතින් සිදු කෙරිණි.
කන්තලේ ප්‍රාදේශීය ලේකම් කොට්ඨාසයේ ගොවි ජනතාව වෙත ඉඩම් ඔප්පු ප්‍රදානය කිරීමේ වැඩසටහන යටතේ ගොවින් පස් දෙනෙකු සඳහා සංකේතාත්මකව ඉඩම් ඔප්පු ප්‍රදානය සිදු කෙරුණේ ද ජනාධිපතිතුමා අතිනි.
නැගෙනහිර පළාත් ආණ්ඩුකර රෝහිත බෝගොල්ලාගම, අමාත්‍ය දුමින්ද දිසානායක, ශ්රී ලංකා නිදහස් පක්ෂ සේරුවිල ආසන සංවිධායක නලින් ගුණවර්ධන, ශ්රී ලංකා නිදහස් පක්ෂයේ ති්‍රකුණාමල ආසන සංවිධායිකා ආරියවතී ගලප්පත්ති, අරුණ සිරිසේන යන මහත්ම මහත්මීන් ඇතුථ දිස්ත්‍රික්කයේ මහජන නියෝජිතයින් රැසක් ද රාජ්‍ය නිලධාරින්, ආරක්ෂක අංශ නියෝජිතයින් ඇතුථ පිරිසක් මෙන්ම එම්.කේ.ඒ.ඩී.එස්. ගුණවර්ධන මැතිණිය, පුතණුවන් ඇතුථ පවුලේ සාමාජිකයින් මෙම අවස්ථාවට එක්ව සිටියහ.
( ඡායාරූප : නිශංක ද සිල්වා - ජනාධිපති මාධ්‍ය අංශය )
