ජ්‍යෙෂ්ඨ මනෝ උපදේශක සහ මනෝ චිකිත්සක වෛද්‍ය චමින්ද වීරසිරිවර්ධන මහතා විසින් මෙහි විශේෂ දේශනය සිදුකරන ලද අතර, ප්‍රසව හා නාරිවේද වෛද්‍ය නවාස් ජිෆ්රි, මනෝ වෛද්‍ය චතුර අබේසුරිය යන මහත්වරුන් ද දේශන පැවැත්වූහ.
වකුගඩු රෝගයෙන් මව සහ පියා අහිමි වූ උසස් පෙළ හදාරණ දරු දැරියන් ස`දහා ශිෂ්‍යත්ව ප්‍රදානය, වකුගඩු රෝගයෙන් පෙළෙන අඩු ආදායම්ලාභීන් වෙත නිවාස අධාර ලබාදීම, වකුගඩු රෝගි අවදානම් ප්‍රදේශවල ජනතාව සදහා ජල පෙරණ උපකරණ කට්ටල ප්‍රදානය කිරීම ඇතු`ථ වැඩසටහන් රැසක් ද මෙහිදී සිදු කෙරිණි.
එමෙන්ම ඌව පළාතේ ළමා නිවාස 08ක අලූත්වැඩියා කටයුතු වෙනුවෙන් ප්‍රතිපාදන ලබාදීම සිදුකෙරුණේ ද ජනාධිපතිතුමා අතිනි.
පාසල් දරුවන්ට සපයනු ලබන පානීය ජලයේ ගුණාත්මකභාවය පරික්ෂා කිරීමේ දීප ව්‍යාප්ත ව්‍යාපෘතිය ඌව පළාතෙන් ආරම්භ කිරීමේ එකගතා ගිවිසුම් ද මෙහිදී ජනාධිපතිතුමා අතින් ඌව පළාත් සෞඛ්‍ය සේවා අධ්‍යක්ෂ වෛද්‍ය නිමල් ශාන්ත ගමගෙදර මහතා වෙත පිළිගන්වන ලදී.
ඌව පළාත් ප්‍රධාන ලේකම් පී.බී. විෙජ්රත්න, ජනාධිපති ජ්‍යෙෂ්ඨ අතිරේක ලේකම් රෝහණ කීර්ති දිසානායක යන මහත්වරුන් ඇතුථ පිරිසක් මෙම අවස්ථාවට එක්ව සිටියහ.
( ඡායාරූප : කපිල ආරියවංශ - ජනාධිපති මාධ්‍ය අංශය )
