එලෙස හැසිරෙන සියලු දෙනා වෙනුවෙන් නීතිය කි‍්‍රයාත්මක කර ලබාදිය හැකි ඉහළම දඬුවම් ලබාදෙන බව ද ජනාධිපතිතුමා ප‍්‍රකාශ කළේය.
ජනාධිපති මෛතී‍්‍රපාල සිරිසේන මැතිතුමා මේ බව ප‍්‍රකාශ කළේ ඊයේ (31) පොළොන්නරුව සිරිපුර ප‍්‍රදේශයේ පැවති ජන හමුවක් අමතමිනි.
පළාත් පාලන ආයතනවලට පමණක් නොව ඉන් ඉහළ සියලු අංශවලට ඉදිරියේදී නීතියේ ආධිපත්‍ය තුළ කටයුතු කිරීමට සිදුවන බව ජනාධිපතිතුමා මෙහිදී අවධාරණය කළේය.
ජනතාවගේ මුදල් සොරා කමින් වංචාව, දුෂණය වැපිරූ යුගය තම පාලන කාලය තුළ නිමා කිරීම අපේක්ෂාව බව සඳහන් කළ ජනාධිතිතුමා යහපත් චර්යාවකින් ජනතා යහපත උදෙසා කැපවන මහජන නියෝජිතයින් පිරිසක් රට තුළ ගොඩනඟන බව කියා සිටියේය.
මෙම අවස්ථාවේදී ජනාධිපතිතුමා හමු වූ සිරිපුර මධ්‍ය මහා විද්‍යාලේ 10වන වසරේ ඉගෙනුම ලබන අතක් අහිමි එන්.පී. විනිතා දමයන්ති සිසුවිය තමන්ට කෘති‍්‍රම අතක් ලබාගැනීමට සහයවන ලෙස ජනාධිපතිතුමාගෙන් කරන ලද ඉල්ලීම පිළිබඳ අවධානය යොමු කළ ජනාධිපතිතුමා එම අවස්ථාවේම තම පෞද්ගලික වෛද්‍යවරයා අමතා එම දැරිය කොළඹට කැඳවා එම ඉල්ලීම කඩිනමින් ඉටුකරදෙන ලෙස උපදෙස් ලබා දුන්නේය.
