අමාත්‍යවරයා මේ බව සඳහන් කළේ, අද (18) පාර්ලිමේන්තුවේ දී ආරක්ෂක අමාත්‍යාංශයේ වැයශීර්ෂය විවාදයට එක්වෙමිනි.
2009 පස්සේ පහර දෙන නැව් වෙනුවට කලාපයේ අරක්ෂවට වැඩපිළිවෙලක් ගෙනාවා. අපේ භූමිය වගේ අටගුණයක් තිබෙනවා අනන්‍ය ආර්ථික කලාපය. කුඩා බෝට්ටු අරන් ගිහිල්ලා සාගර කලාපය ආරක්ෂා කරනන බෑ. මෙම යුද නෞකාව සියලු කාරණාවලට අවශ්‍ය විදියට හදලා තියෙන්නේ. අනන්‍ය ආර්ථික කලාපය ආරක්ෂා කරන්නයි මේ වැඩපිළිවෙල ක්‍රියාත්මක කරන්නේ. ආරක්ෂාවට විශාල නැව් ගණනාවක් අවශ්‍ය වී තිබෙනවා. දැනට නැව් කීපයක් තිබෙනවා.
රුසියාවෙන් මිලදී ගන්නා නෞකාව සියලු ආයුධවලින් සපිරි නවීන නෞකාවක්. එය පරණ නෞකාවක් නොවේ. කටකතා කියන්න එපා. මේ සම්බන්ධව තවත් සාකච්ඡා කරගෙන යනවා. දෙසැම්බර් 31කට පෙර අනුමැතිය ලබදිය යුතුයි. මෙතන සතපහක හොරකමක් කරන්න ඉඩක් නෑ. රජයන් දෙකක් අතර සිදුවන වැඩපිළිවෙලක්. මේ ක්‍රියාමාර්ගය පිළිබඳ වැදගත් අවබෝධයක් තබා ගන්න. මේ ක්‍රියාදාමය ගැන වැරදි වැටහීමක් ඇතිකරගන්න එපා.මොකටද නැව් ගන්නේ කියලා අහනවා. රුසියාවෙන් දුන්නේ ගිවිසුමක ප්‍රතිඵලයක් ලෙසයි. සමුද්‍ර නිරීක්ෂණ නෞකා දෙකක්. කිසිම ආයුධයක් සවිකර තිබුණේ නෑ.
බැදුම්කර ගණුදෙණුව ගැන ප්‍රශ්න අහලා විශාල වැඩකොටසක් කෝප් කමිටුවේ දී සිදු කළා. 41 නම් ගෑවිලා තියෙනවා, ඒ නම් එළියට දෙන්න. හඩපට එළියට දෙන්න. අල්ලස් කොමිෂම හරහා පරීක්ෂණ කරන්න. ජනතාවගේ දේවල් මංකොල්ල කන්න ඉඩ දෙන්නේ නෑ. අපි කාටවත් හොරෙන් කතා කරලා නෑ යැයි ද අමාත්‍යවරයා කීය.
