ඕස්ට්‍රේලියාවේ නිල සංචාරයක යෙදී සිටින ජනාධිපති මෛත්‍රීපාල සිරිසේන මහතා අද (25) පෙරවරුවේ කැන්බරාහි පිහිටි එරට පාර්ලිමේන්තු ගොඩනැගිල්ලේදී ඕස්ට්‍රේලියානු අග්‍රාමාත්‍ය මැල්කම් ටර්න් බුල් මහතා හමුවී සාකච්ඡා පැවැත්වීය.
නායකයින් දෙදෙනා මෙහිදී දෙරටට බලපාන ක්ෂේත්‍ර කිහිපයක් පිළිබඳව සහයෝගයෙන් කටයුතු කිරීම සම්බන්ධයෙන් සාකච්ඡා කළ බව ජනාධිපති මාධ්‍ය ඒකකය සඳහන් කරයි.
මෙම සාකච්ඡාව අවසානයේදී ඕස්ට්‍රේලියාව හා ශ්‍රී ලංකාව අතර සහයෝගයෙන් කටයුතු කිරීම පිළිබඳව අවබෝධතා ගිවිසුමකට අත්සන් තබා ඇත.
ජනාධිපතිවරයා සමඟ එහි ගොස් සිටින ජොන් අමරතුංග, ආචාර්ය හර්ෂ ද සිල්වා, බුද්ධික පතිරණ, අජිත් පී පෙරේරා යන මැති ඇමැතිවරුද මෙම අවස්ථාවට සහභාගි වී සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
