හිටපු ජනාධිපතිවරයා මේ බව අද (24) පාර්ලිමේන්තුවේ දී ප්‍රකාශ කළේ, හිටපු අග්‍රාමාත්‍ය හා කළුතර දිස්ත්‍රික් හිටපු පාර්ලිමේන්තු මන්ත්‍රී රත්නසිරි වික්‍රමනායක මහතාගේ අභාවය පිළිබඳ ශෝක යෝජනාවේ විවාදයේ අඳහස් දක්වමිනි.
හිටපු අග්‍රාමාත්‍ය රත්නසිරි වික්‍රමනායක මහතා කෙට්ටුවෙන් ඇසුරු කරන්නට හැකියාව ලැබුණා. ස්වාධින මන්ත්‍රීවරයෙකු ලෙස ජයග්‍රහණය කරන්නත් හැකි වුණා. ප්‍රදේශයේ ජනතාවගේ ආදරය දිනාගත් අවංක දේශපාලඥයෙක්. 1970 සිට එතුමා සමඟ සම්බන්ධ වෙන්න හැකියාව ලැබුණා. අපි එතුමාට ගරු කළා. අපට ගරු ලෙස ආමන්ත්‍රණය කළා. ඉතාම ලෙංගතුකමක්, තරුණ මන්ත්‍රීවරු දිනාගැනීමේ හැකියාවක් තිබුණා.
වෛරය සහ ක්‍රෝධය එතුමා තුළ පැසවා තිබුණේ නෑ. අවස්ථාවකම කාටත් කතා කරන්න පුළුවන් අවංක පුද්ගලයෙක්. අගමැතිවරයාව සිටි කාලයේ ත්‍රස්තවාදය පරාජය කිරීමට එතුමාගෙන් ලැබුණු සහාය කිය යුතුයි. රහස්‍යභාවය රැකගත් අවංක පුද්ගලයෙක්. දේශපාලන පලපුරුද්ද සහ නීතිය පිළිබඳ අවබෝධය එතුමාගේ උපදෙස්, මෙහෙයවීම අගය කළ යුතුයි.
ජාතිවදී හැඟීම ඔහු තුළ තිබුණේ නැති වුවත් ජාතික හැඟීම ඔහු තුළ තිබුණා. රටේ ඒකීයභාවය පිළිබඳ දැඩි විශ්වාසයකින් කටයුතු කළා. රටේ ඒකීයභාවය රැකගන්න එතුමා කටයුතු කළා. එතුමාගේ අවවාද පිළිගන්න සූදානම් වී සිටියා. එතුමා නිහතමානී නායකයෙක්. නවක දේශපාලඥයින්ට ආදර්ශවත් නායකයෙක් ලෙස හැදින්විය හැකියි.
