අග්‍රාමාත්‍යවරයා මේ අඳහස් පළ කළේ අද (03)පාර්ලිමේන්තුවේ දී උසස් තාක්ෂණ ගණකාධිකාරී පාඨමාලාව හදාරන සිසුන්ට පහරදීමේ සිද්ධිය සම්බන්ධයේ පාර්ලිමේන්තුවේ දී අඳහස් දක්වමිනි.
දිනේෂ් ගුණවර්ධන මන්ත්‍රීතුමාට ශිෂ්‍ය නායකයින් ඇතුළත් කරන්න අවශ්‍ය නම්,සංඛ්‍යාව කියන්න.නම් කියන්න.මමත්
ඒ අය මුණ ගැහෙන්නම් කිසිම ප්‍රශ්නයක් නැතැයි මහජන මන්ත්‍රීවරු හමුවීමට ශිෂ්‍ය නායකයන්ට හා ශිෂ්‍යයන්ට අවස්ථාව ලබානොදී පොලිස් බාධක යොදා ඇති බව සඳහන් කරමින් පාර්ලිමේන්තු මන්ත්‍රී දිනේෂ් ගුණවර්ධන මහතා කළ ප්‍රකාශයට පිළිතුරු දෙමින් කීය.
මේ ඒකාබද්ධ විපක්ෂය කියන්නේ මොකක්ද? විපක්ෂ නායකතුමා ඉන්නවා, විපක්ෂයේ ප්‍රධාන සංවිධායකතුමා ඉන්නවා.විපක්ෂයේ ප්‍රධාන සංවිධායකතුමා මේ ප්‍රශ්නය මතු කර තිබෙනවා.මොකක්ද මේ එකාබද්ධ විපක්ෂය කියන්නේ?එච්.එන්.ඩී.තීරණය ගත්ත අයයි,ඒකාබද්ධ විපක්ෂය කියන්නේ.මම මෙයට පිළිතුරු දෙන්නේ රතුපස්වල දරුවන්ගේ ලේ ගෑවී නැති අයට පමණයි.ඇයි ඒවා ගැන කතා කරන්නේ නැත්තේ.ඔය ශිෂ්‍ය නායකයින් ගේන්න මම ලැස්තියි, ඒ අය මුණගැහෙන්න.
2013 මහින්ද රාජපක්ෂ ජනාධිපතිතුමාගේ ආණ්ඩුවෙන් මෙය අහෝසි කළා.මෛත්‍රිපාල සිරිසේන ජනාධිපතිතුමා බාරගත්තට පස්සේ සාකච්ඡා කර අපි තීරණය කළා,ඒක වෙනස් කරන්න.මේ කෑගහන්නේ අර චක්‍රලේඛය ගෙන යන්න ඕන අයයි.ඒකාබද්ධ විපක්ෂය කියලා පුදුම සතෙක් ඇවිත් විපක්ෂය එක්ක හැප්පෙන්න හදනවායැයි අග්‍රාමාත්‍යවරයා පැවසී ය.
