අද (06) පස්වරුවේ ජනාධිපති කාර්යාලයේ දී පැවති එක්සත් ජාතීන්ගේ සංවර්ධන වැඩසටහනේ නිලධාරීන් සමඟ පැවති හමුවේදි ජනාධිපතිතුමන් මෙම අදහස් පළ කළේය.
මෙම සාකච්ඡාවේදී මෙරට පානීය ජල ව්‍යාපෘති සඳහා අවශ්‍ය පහසුකම් පිළිබඳව ද සාකච්ඡා කෙරුණු අතර පානීය ජල ගැටලුවලදී ප්‍රධාන වශයෙන් දුප්පත් ජනතාවට මුල්තැන ලබාදී කටයුතු කරන බවත් ජනාධිපතිතුමා සඳහන් කළේය.
එමෙන්ම මෙරට පවතින පානීය ජලය, කෘෂී කාර්මික, සෞඛ්‍ය ඇතුළු විවිධ අංශ සඳහා අරමුදල් ලබාදීම සම්බන්ධයෙන් ද එක්සත් ජාතීන්ගේ සංවර්ධන වැඩසටහන් නිලධාරීන් විසින් ජනාධිපතිතුමන්ව දැනුවත් කරනු ලැබීය.
එක්සත් ජාතීන්ගේ සංවර්ධන වැඩසටහන පසුගිය වසර ගණනාවක් පුරා මෙරට සංවර්ධනයට ලබාදුන් සහය සිහිපත් කළ ජනාධිපතිතුමා ඉදිරියටත් එම සහය බලාපොරොත්තු වන බව ප්‍රකාශ කළේය.
මෙම අවස්ථාවට පරිසර හා මහවැලි සංවර්ධන අමාත්‍යාංශ ලේකම් උදය සෙනවිරත්න, ජනාධිපති අතිරේක ලේකම් රෝහණ කීර්ති දිසානායක, යන මහත්වරුන් සහ එක්සත් ජාතීන්ගේ සංවිධානයේ සාමාජිකයින් පිරිසක් සහභාගී විය.
kpm
