නියෝජ්‍ය අමාත්‍යවරයා අද (06) පාර්ලිමේන්තුවේ දී මේ බව ප්‍රකාශ කළේ,ළමා අපචාර හා ස්ත්‍රී දූෂණය කරන වරදකරුවන්ට එරෙහිව මරණ දඬුවම ගෙන ආ යුතු යැයි යෝජනා කරමින් පාර්ලිමේන්තු මන්ත්‍රිනීනි හිරුණිකා ප්‍රේමචන්ද්‍ර මහත්මිය විසින් සභාව කල්තබන අවස්ථාවේ යෝජනාව ගෙන ආ යෝජනාවේ විවාදයේ අඳහස් දක්වමිනි.
මරණ දඬුවම අපරාධ වැළැක්වීමට ක්‍රමවේදයක් නොවෙයි.ප්‍රතිපත්තියක් ලෙස මෙම මතය ජනප්‍රිය වුවත් ප්‍රතිපත්තිමය වශයෙන් එකඟ වන්නේ නෑ.බුද්ධියට ඉඩ දෙන්න හඟිම්වලට වහල් වෙන්න එපා යැයි ද නියෝජ්‍ය අමාත්‍යවරයා පැවසී ය.
ලෝකයේ බොහෝ රටවල අපරාධ අඩුවී තිබෙන්නේ මරණීය දණ්ඩනය නිසා නොවේ. වෙනත් රටවල සාධාරණත්වය යුක්තිය ඉටුවීම, ඒ සමාජයේ ගුණාත්මකභාවය ඉහළ යන නිසයි.
මේ රටේ අපරාධ ප්‍රවණතාව නැවතීම රජයේ වගකීමයි.රජයක් ලෙස මේ අවස්ථාවේ කළ යුතු වන්නේ,සමාජයේ අපරාධ ඇතිවීමට හේතුවන, හේතුමූලයන් සොයලා,එම මූලයන් වැලක්වීමට කටයුතු කිරීමයි.
මෙම කෲර අපරාධකරුවන්ට දැනෙන,තේරෙන විදියට අඬුවම් දෙන ක්‍රමයක් අපි තේරුම්ගත යුතුයි.ළමා අපරාධකරුවන්ට, මිනී මරුවන්ට මරණය සැප වැඩියි.බරපතල අපරාධකරුවන්ට නැවත කිසිදිනක එළියට පැමිණිය නොහැකි ලෙස සිරගත කිරීම කළ යුතු යැයි ද පැවසූ නියෝජ්‍ය අමාත්‍යවරයා, මරණ දඬුවම කියන්නේ ජනප්‍රියත්වයේ තෝරාගැනීමයි.මරණ දඬුවම කියන්නේ බැරිකමේ ලක්ෂණයක් බවද ප්‍රකාශ කළේ ය.
