රාජ්‍ය අමාත්‍යවරිය අද (06) පාර්ලිමේන්තුවේ දී ගෙන ආ සභාව කල්තැබෙන අවස්ථාවේ යෝජනාවේ විවාදයේ අඳහස් දක්වමින් මේ
බව පැවසී ය.
ළමා අපචාර හා ස්ත්‍රී දූෂණය කරන වරදකරුවන්ට එරෙහිව මරණ දඬුවම ගෙන ආ යුතු යැයි යෝජනා කරමින් පාර්ලිමේන්තු මන්ත්‍රිනී
හිරුණිකා ප්‍රේමචන්ද්‍ර මහත්මිය විසින් සභාව කල්තබන අවස්ථාවේ යෝජනාව ගෙන ආවේ ය.
ළමයින්ගෙන් සාක්ෂි විමසීමේ දී නව තාක්ෂණය භාවිත කරමින්, වීඩියෝ මගින් කිරීම වැදගත්. අලුත් පරිසරය තුළ දරුවන් නැවත නැවත
අපයෝජනය වෙනවා.ඉතාම කෙටි කලකින් නඩු ඇසීමේ ක්‍රමවේදයක් සැකසිය යුතුයි.එමෙන් ම වරද කරුවන් පුනරුත්ථාපනය කිරීම ක්‍රමය වැදගත්. ළමා අපයෝජන වළැක්වීමේ වැඩසටහන් ක්‍රියාත්මක කිරීම ද වැදගත් බව ද රාජ්‍ය අමාත්‍යවරිය පැවසී ය.
