“මිනිස්සු නීතියට අවනත වෙන්නේ දඬුවමට තිබෙන බය නිසයි. අද ළමා අපචාරවලට සහ දූෂණවලට තිබෙන දඬුවම් ප්‍රමාණවත් නෑ. රටේ අපරාධ රැල්ල අඩු වෙලා ද වැඩි වෙලා ද කියලා බලන්න ඕන.
මරණ දඩුවම නියම වූ අය ඉන්නවා. හෙරෝයින් චෝදනා තිබෙන අය ඉන්නවා. ළමයි, ස්ත්‍රීන්, දුෂණ කර ඝාතනය කළ අය සැළකිය යුතු පිරිසක් මේ අතර සිටිනවා. නීති පද්ධතියේ අඩුපාඩු සකස් කරගෙන ඉදිරියට යා යුතුයි. සමාජයේ ආකල්පය වෙනස් කර ගත යුතුයි.
පාලකයින් සැමට ලොකු වගකීමක් තිබෙනවා. මේ ගැන මානුෂිකව බැලිය යුතුයි. ආගම සහ නීතිය පටවා ගත යුතු නෑ. පුංචි හය හතර නොතේරෙන දරුවන් කෲර ලෙස ඝාතනය කරන අපරාධකරුවන්ට එරෙහිව මරණ දඬුවම ක්‍රියාත්මක කළ යුතුයි“ යැයි යෝජනා කරන බව මන්ත්‍රීවරිය පැවසී ය.
කල්තැබීමේ යෝජනාව නියෝජ්‍ය අමාත්‍ය රන්ජන් රාමනායක මහතා විසින් ස්ථීර කළ අතර අපරාධකරුවන් ආරක්ෂා කිරීමට කටයුතු කරන්න එපා යැයි ද නියෝජ්‍ය අමාත්‍ය රන්ජන් රාමනායක මහතා ප්‍රකාශ කළේ ය.
