අන්තර්ජාතික රතුකුරුස සංගමය මේ දක්වා ශ්‍රී ලංකාව වෙනුවෙන් ඉටුකළ සේවය අගය කළ ජනාධිපතිතුමා ඉදිරියටත් රතුකුරුස සංගමයේ සේවය ශ්‍රී ලංකාව අපේක්ෂා කරන බව පැවසීය.
යුද්ධය පැවති සමයේ තම සංගමය උතුරු නැගෙනහිර ප්‍රදේශයේ මානුෂීය සත්කාර සේවා රැසක් ක්‍රියාත්මක කළ බව පැවසූ අන්තර් ජාතික රතුකුරුස සංගමයේ සභාපතිවරයා, එම ප්‍රදේශවලින් ඉවත්ව ගියත් එම ජනතාව වෙනුවෙන් ඉදිරියටත් කැපවන බව ප්‍රකාශ කළේය.
එමෙන්ම වත්මන් රජය ගෙනයන වැඩපිළිවෙළ පිළිබඳව තමන් බෙහෙවින් සතුටු වන අතර පැවති අඩුලුහුඩුකම් මගහැර ගනිමින් ඉදිරි වැඩකටයුතු සාර්ථකව ඉටු කරනු ඇතැයි යන්න තම විශ්වාසය බව Mr. Peter Maurer සඳහන් කළේය.
පැවති අඩුලූහුඩුකම් නිවැරදි කරගනිමින් කටයුතු කිරීම මේ වනවිටත් තම රජය ක්‍රියාත්මක කර ඇති බව ජනාධිපති මෛත්‍රීපාල සිරිසේන මහතා මෙහිදී සඳහන් කළේය.
kpm
